رێڤەبەرێ پەێوەندی و راگەھاندنێ ل رێڤەبەریا بەرگیریا شارستانی ل دھۆکێ، دیارکر کو ژ ئەنجامێ موەلیدی گارەبی ل سەر بانێ بازاری چەلیێ ل دھۆکێ پتر ژ 30 دوکانان ھاتنە سووتن وکەسەکێ گیانێ خوە ژ دەستدان وپێنچ کەس ب برینداربوون رێژا سووتنا ئێکی ژوانا 100% یە.



بیوار عەبدولعزیز، رێڤەبەرێ پەێوەندی و راگەھاندنێ ل رێڤەبەریا بەرگیریا شارستانی ل دھۆکێ، بۆ(باسنیوز) دیارکر: "لژنەک بۆ تەخمینکرنا زیانێن گەھشتینە وەلاتیان ھاتە پێک ئێنان دووڤ رێژا کەرەستێن دناڤ دوکانێن واندا دێ لژنە قەرەبوو کرنی دەست نێشان کەت دێ بلندکەین بۆ لایەنێن پەێوەندار ب مەرەما قەرەبوو کرنا دوکانداران".



خۆیا ژی کر: "ئەڤرۆ 10/4 ل دەمژمیر دو پشتی نێڤرۆ ئاگر بەربوویە بازاری چەلیێ دووڤ ئامارێن دەستپێکی پتر 30 دوکانان ھاتنە سووتن ھیشتا زیانێن دووماھیی ئاشکرانەبووینە چونکو ھندەک دوکاندار بھایێن مەزن زەرمەندبووینە چونکو کەرەستێن بھا گران دناڤ دوکانێن واندا بووینە وھندەک ژێ کەرەستێن وان نە وەسا بھا گرانن".



حەمزە رەزیکی، بەرپرسێ پشکا راگەھاندنێ ل رێڤەبەریا گشتی یتا ساخلەمیا دھۆکێ، بۆ (باسنیوز) دیارکر: "ژ ئەنجامێ سووتنا بازاری چەلیێ یێ فروتنا جل وبەرگ کەسەکێ گیانێ خوە ژ دەستدان و پێنچ کەسێن دێ ژی برینداربووینە ئێک ژوانا ب رێژا 100% سووتیە ودەملدەست ل نەخۆشخانێن دھۆکێ چارەسەریا برینداران ھاتە کرن بۆ ھندەک ژوان تەنگە نەفس چیبوویە زوو ھاتنە چارەسەرکرن".

bas news -