دواى ئه‌وه‌ى یه‌كێك له‌ كۆلێژه‌كانى سه‌ر به‌ زانكۆى گه‌رمیان داوا له‌ خوێندكاره‌ كچه‌كان ده‌كات، جلى ته‌سك و سترێج له‌به‌ر نه‌كه‌ن، سه‌رۆكایه‌تى زانكۆكه‌ له‌ ڕێگه‌ى ماڵپه‌ره‌كه‌یانه‌وه‌ ڕاپرسییه‌ك له‌ باره‌ى جل پۆشینی خوێندكارانه‌وه‌، ئه‌نجام ده‌دات.



رۆژی 4ى نیسانى 2017، له‌ تۆڕى كۆمه‌ڵایه‌تی فه‌یسبووك وێنەی ئاگادارییەک بڵاوکرایەوە، کە مۆرى کۆلێژی زمان و زانستە مرۆڤایەتییەکانیی سەر بە زانکۆی گەرمیانی لەسەر بوو، له‌ ئاگادارییه‌كه‌دا نووسرابوو "بۆ پاراستنی شیرازەی جوانی زانکۆیی، داوا لەسەرجەم خوێندکاران دەکەین، جلوبەرگی نەشیاو بەتایبەت سترێجی کورت و تەسک لەبەر نەکەن".



ئه‌و ئاگادارییه‌ هه‌رایه‌كى زۆری له‌ تۆڕه‌ كۆمه‌ڵایه‌تییه‌كان درووستكرد، بۆیه‌ سه‌رۆكایه‌تى زانكۆی گه‌رمیان هاته‌ ده‌نگ و ڕه‌تیكرده‌وه‌ كه‌ به‌ زۆر ئه‌و جۆره‌ جله‌ له‌ خوێندكاران قه‌ده‌غه‌ بكات، به‌دواى ئه‌ویشدا ڕاپرسییه‌كى له‌ باره‌ى جل پۆشینه‌وه‌، ڕێكخست.



پرسیارى ڕاپرسییه‌كه‌ به‌م شێوه‌یه‌ بوو :" ئایا له‌گه‌ڵ ئه‌وه‌ دایت سیستمى یه‌كپۆشی بۆ خوێندكاران له‌ زانكۆى گه‌رمیان په‌یڕه‌و بكرێت؟".



له‌و ڕاپرسییه‌دا 1142 كه‌س به‌شدارى ده‌كات و له‌ ئه‌نجامدا به‌ ڕێژه‌ى 65%ى به‌شداربووان به‌ نه‌خێر وه‌ڵام ده‌ده‌نه‌وه‌ و 34.5%یش به‌ به‌ڵێ.

bas news -