نێچیرڤان بارزانی سەرۆکوەزیرانی هەرێمی کوردستان لە پەیامێکدا وێڕای هاودەردی و سەرەخۆشی لە بنەماڵەی قوربانیان و حکوومەتی میسر، هاوکات تەقینەوەکانی ئەو وڵاتەشی ئیدانە کردووە.



لە پەیامەکەی سەرۆکی ئەنجومەنی وەزیرانی هەرێمی کوردستان کە ئەمڕۆ دووشەممە 2017 /4/ 10 بڵاو کراوەتەوە و ، هاتووە : گه‌لى كوردستان كه‌ زۆرى له‌ ده‌ست تیرۆر و تیرۆرستان چه‌شتووه‌، به‌ قووڵى له‌ ئێش و ئازاره‌كانى خانه‌واده‌ى قوربانییان و گه‌ل و حكوومه‌تى میسر تێده‌گات و هه‌موو پشتگیرى و هاوسۆزییه‌كى خۆى له‌گه‌ڵیاندا دووپات ده‌كاته‌وه‌".



دەقی پەیامەکە:



به‌ توندى ئه‌و هێرشه‌ تیرۆرستیانه‌ سه‌ركۆنه‌ ده‌كه‌م كه‌ دوێنێ كرانه‌ سه‌ر دوو كه‌نیسه‌ له‌ هه‌ردوو شارى ته‌نتا و ئه‌سكه‌نده‌رییه‌ له‌ باكوورى میسر و تێیایدا ژماره‌یه‌ك له‌ هاووڵاتیان و پیاوانى ئاسایس بوونه‌ قوربانى.



هاوسۆزى و هاوخه‌میى قووڵم له‌گه‌ڵ خانه‌واده‌ و كه‌سوكارى قوربانیان و گه‌ل و حكوومه‌تى میسر ده‌رده‌بڕم.



گه‌لى كوردستان كه‌ زۆرى له‌ ده‌ست تیرۆر و تیرۆرستان چه‌شتووه‌، به‌ قووڵى له‌ ئێش و ئازاره‌كانى خانه‌واده‌ى قوربانییان و گه‌ل و حكوومه‌تى میسر تێده‌گات و هه‌موو پشتگیرى و هاوسۆزییه‌كى خۆى له‌گه‌ڵیاندا دووپات ده‌كاته‌وه‌.



دووباره‌بوونه‌وه‌ى به‌رده‌وام و فراوانبوونى قه‌باره‌ى كاره‌ تیرۆرستییه‌كان له‌ شوێنه‌ جیاكانى جیهان، نیشانه‌یه‌كى مه‌ترسیدار و زه‌نگێكى ئاگاداركردنه‌وه‌یه‌ كه‌ ده‌بێ ڕێكارى گه‌وره‌تر و توندتر به‌رامبه‌ر تیرۆر و تیرۆرستان له‌ هه‌موو شوێنێك بگیرێته‌ به‌ر و بۆ ئه‌م مه‌به‌سته‌ كۆمه‌ڵگه‌ى نێوده‌وڵه‌تى، هاوكارى و هه‌ماهه‌نگى زیاتر بكات.



نێچیرڤان بارزانى

سه‌رۆك وه‌زیرانى هه‌رێمى كوردستان

10/4/2017