فەرماندەی میحوەری خورماتووی پێشمەرگە ڕایدەگەیەنێت کە لە سنووری ناوچەی زەرگەی سەر بە خورماتوو، ناو بە ناو چەکدارانی ڕێکخراوی توندڕەوی داعش جموجۆڵیان ھەیە، بەڵام لە لاوازی دان.



ئەمڕۆ یەکشەممە 9/4/2017، فەریق عەبدوڵڵا بۆر، فەرماندەی میحوەری خورماتووی ھێزەکانی پێشمەرگە، "لە ناوچەی زەرگە، کە بە 40 کیلۆ مەتر دەکەوێتە ڕێگەی نێوان خورماتوو - تکریت، چەکدارانی تیرۆریستی داعش ناو بە ناو جموجۆڵیان ھەیە، بە تایبەت بە شەوان و پێشمەرگەش لە ئەوپەڕی ئامادە باشی دایە، لە ئەگەر ھەر ھێرشێکی داعش، بەڵام ئەو تیرۆریستانە ئێستا تەواو لە لاوازی دان و بەرەو لە ناوچوون دەڕۆن".



فەرماندەی میحوەری خورماتووی پێشمەرگە، ئەوەشی خستەڕوو: " ئەو تیرۆریستانە لە دەشت و دۆڵەکانی سنووری حەویجەوە خۆیان دەگەیەننە سنووری ناوچەی زەرگە و ھەندێک جاریش لە سەر ڕێگەی نێوان خورماتوو – تکریت، بۆمبی چێنراو دادەنێن".
bas news-