له‌ ئۆپه‌راسیۆنێكدا له‌ شارۆچكه‌كانی ئه‌رجیش و ئۆزاڵپی شاری وانی باكووری كوردستان، ده‌ست به‌سه‌ر 112 كیلۆگرام هیرۆیندا گیرا.


به‌پێی روونكردنه‌وه‌یه‌ك كه‌ له‌ لایه‌ن به‌ڕێوه‌به‌رایه‌تی ئاسایشی شاره‌كه‌وه‌ بڵاو كراوه‌ته‌وه‌، تیمه‌كانی ئاسایشی توركیا كه‌ له‌سه‌ر رێگای سه‌ره‌كی شارۆچكه‌ی ئه‌رجیش و وان خاڵی پشكنینیان داناوه‌، پشكنینیان بۆ بارهه‌ڵگرێك كردووه‌، تیایدا ده‌ستیان به‌سه‌ر 39 كیلۆ و 353 گرام هیرۆیندا گرتووه‌ كه‌ له‌ 96 پاكه‌تدا حه‌شار درابوون.


هه‌روه‌ها له‌ ئۆپه‌راسیۆنه‌كدا له‌ شارۆچكه‌ی ئۆزاڵپ، ده‌ست به‌سه‌ر 72 كیلۆ و 739 گرام هیرۆیندا گیرا، كه‌ له‌ 14 پاكه‌تدا حه‌شار درابوو.


ناو بەناو پۆلیس و ئاسایشی توركیا بڵاوی دەكەنەوە كە لە شارەكانی باكووری كوردستاندا دەستیان بەسەر بڕی زۆری مادەی هۆشبەردا گرتووە.
bas news-