ژمارهكا دێ یا كوردێن ئێزدى هاتنه رزگاركرن
ئهڤرۆ حسێن قائێدى رێڤهبهرێ نڤیسینگهها رزگاركرنا رهڤاندیێن ئێزدى ل دهۆكێ بۆ (باسنیوز) دیاركر "سوبههى ههر 9 كهسێن هاتینه رزگاركرن، دێ گههنه پارێزگهها دهۆكێ، ههموو خهلكێ قهزا شنگالێنه پشتهڤانیا نڤیسینگهها سهرۆكێ حكومهتا ههرێما كوردستانێ هاتنه رزگاركرن".
رێڤهبهرێ نڤیسینگهها رزگاركرنا رهڤاندیێن كوردی ئێزدى ل دهۆكێ گۆت "ئێك رهڤاندى ئێزدى ل مووسل ژلایێ ئوپهراسیۆنا مووسلێ ڤه نههاتیه رزگاركرن، ئهو كهسێن ل مووسل دهێنه رزگاركرن نه رێیا ئوپهراسیۆنا مووسل دهێنه رزگاركرن، بهلكو ئهو رهڤاندنێ دمینن ناڤ خانی و ئاڤاهیاندا دهمێ لهشكهرى عێراقى دگههته وان ئهو خوه رادهستى لهشكهرى دكهن، نەكو چ ئوپهراسیۆنێن تایبهت ژى عێراقى بۆ رزگاركرنا رهڤاندیێن كوردی ئێزدى ئهنجام نهداینه".
خۆیا ژى كر "ئهم پرسیارى دكهین ئهرى چارهنڤیسێ رهڤاندیێن كوردێن ئێزدى چ بسهردا هاتیه وكێڤه چوون؟ چونكو مه پێزانێن ههبوون ههژمارهكا زۆر رهڤاندیێن ئێزدى ل مووسلێنه، مخابن گهلهك نهما ئهو باژێرى ب تهمامى بهێته رزگاركرن، ئهو ههژمارا رهڤاندیێن ئێزدى دیارنهبووینه".
قائێدى ئاشكرا كر "هیشتا پتر 3400 رهڤاندیێن ئێزدى دهستێن تیرۆرستێن داعشێ دا ماینه گهلهك نهمایه دێ مووسل رزگاربیت ئهڤ ههژمارا رهڤاندیان دیار نینن. ههتا نوكهژی ژمارا كهسێن ئێزدى یێن هاتینه رزگاركرن، گههشته نێزیكى سێ هزار كهسان".
bas news-
