مەحموود محەممەد، ئەندامی مەكتەبی سیاسی پارتی و گوتەبێژی ئەو حیزبە، لە هەڤپەیڤینێكدا باسی پێكهێنانی لیژنەیەكی تایبەت لەنێوان لایەنە سیاسییەكان لەبارەی گشتپرسی دەكات و دەشڵێت شاندی هاوبەشی پارتی و یەكێتی سەردانی بزووتنەوەی گۆڕان دەكەن.

لە وەڵامی ئەو پرسیارەی: لە كۆبوونەوەتان لەگەڵ یەكێتی، پێشنیازی كۆبوونەوەی لووتكەی نێوان بارزانی و نەوشیروان مستەفا بۆ چارەسەركردنی كێشەكان نەكرا؟

مەحموود محەممەد دەڵێت: لەم كۆبوونەوەیە بەدرێژی باسی كێشە سیاسییەكان نەكرا، جەخت لەسەر ئەوە كرایەوە كە نابێ‌ ناكۆكی لایەنەكان كەلێنێك دروستبكات، خەڵكی دیكە دەستی تێوەربدات، پێشنیازی كۆبوونەوەی دوو قۆڵیش باسی لێوە نەكراوە.

هەروەها دەشڵێت: ئەو شاندە هاوبەشەی دروستیشمان كردووە، ئیستیسنای بۆ هیچ لایەنێك تێدا نییە و سەردانی گۆڕانیش دەكەین، پێشتریش لەگەڵ یەكێتی و یەكگرتوو بە لیژنەیەكی سێ‌ قۆڵی سەردانی گۆڕانمان كرد، جاری پێشوو وەكو شاندی پارتی سەردانی گۆڕانمان كرد.






رووداو -