لە درێژەی هەڵمەتی هاوکارییەکانی دەزگای خێرخوازیی بارزانی بۆ کەسانی کەم دەرامەت لە سنووری کوردستاندا، هاوکاری ٨٩٠ خێزانی کەم دەرامەتی قەزاکانی دووز خورماتوو، داقوق و کفری دابین کرا.



رێکەوتی ٢٩ی ئاداری ٢٠١٧ تیمەکانی دەزگای خێرخوازیی بارزانی هەڵەمتێکی هاوکارییەکانیان لە پارێزگای کەرکووک بەڕێوەبرد، لەو هەڵەمەتەی هاوکارییانەدا ٨٩٠ خێزانی کەم دەرمەتی قەزاکانی دووز خورماتوو، داقوق و کفری سود مەند بوون.



تیمەکانی دەزگای خێرخوازیی بارزانی لە قەزای دووزخورماتوو هاوکاری خۆراکییان بۆ ٣٣٠ خێزانی کەم دەرامەتی قەزاکە دابین کرد، هەروەها لە قەزای کفری ٢٥٠ خێزان و لە قەزای داقوق ٣١٠ خێزان لە هاوکارییەکانی دەزگای خێرخوازیی بارزانی سودمەند بوون.

payamner -