ئەندامێكی ئەنجومەنی نوێنەرانی عێراق ڕای دەگەیەنێت، هەواڵی بڕینی بوودجەی كەركووك ڕاست نییە، چونكە كەركووك فشارێكی زۆری لەسەر بەغدا هەیە، بۆیە ناوێرن بوودجەی كەركووك ببڕن.

شاخەوان عەبدووڵا، ئەندامی ئەنجومەنی نوێنەرانی عێراق بە كوردستان24ی ڕاگەیاند: "هەواڵی بڕینی بەشە بوودجەی كەركووك لەلایەن بەغداوە دورە لە ڕاستییەوە، چونكە كەركووك فشاری زۆری لەسەر عێراق هەیە، بۆیە ناوێرن بڕێارێكی لەو شێویە بدەن".

ئەوەشی خستەڕوو، هەر لەسەر بڕینی بەشە بوودجەی كەركووك لەگەڵ وەزارەتی دارایی گفتوگۆمان كرد، هەروەها بەدواداچوونمان بۆ هەواڵەكەش كرد، بەڵام وەزارەتی دارایی ئەو هەواڵەی بە هەموو شێوەیەك ڕەت كردەوە، هەر بۆیە هاووڵاتییان پێویستە لەوە تێبگەن كە حكوومەتی عێراق بڕیارێكی وای دەرنەكردووە و دەری ناكات، ئەو كەسانەش كە هەواڵی لەم جۆرە دەورووژێنن و بڵاوی دەكەنەوەی، خزمەت بە نەیارانی كورد دەكەن".








باسنيوز