سەرۆكێ‌ جڤاتا باشیكێ‌، دیاركر: "ب هەڤكاریا رێكخراوان و پشتەڤانیا حكومەتا هەرێما كوردستانێ‌، پەروەردا مووسلێ‌ دەست ب ئاڤاكرن و نوژەنكرنا 28 قوتابخانەیان ل باشیك كر و سالا بهێت دێ‌ دەرگەهێ‌ هەموو قوتابخانەیان بۆ قوتابیان هێتە ڤەكرن".

داسن قەوال سلێمان، سەرۆكێ‌ جڤاتا باشیكێ‌، دیاركر: " 13 قوتابخانە دێ ل گۆند وكۆمەلگەهێن سەر باشیكێ‌ ڤە بن و 15 قوتابخانێن دیدناڤ سەنتەری باشیكێدا دهێنە ئاڤاكرن و نوژەنكرن. چونكو سالا بهێت رەنگە خەلك هەموو ڤەگەرینە سەر مال و حالێ خوە ژبەركو چوو مەترسیی ل دەڤەری نەمایە. نۆكە باشیك ژلایێ‌ پێشمەرگەی ڤە دهێنە پاراستن".

داسن قەوال سلێمان، گۆت:" رێكخراوا تیرۆرستێن داعش زیانێن زۆر گەهاندینە ئاڤاهیێن قوتابخانەیان، پشتی پێشمەرگەی كوردستانێ‌ باشیك رزگاركری وئارامی پەیدابووی نۆكە دەست بكارێ ئاڤاكرن و نوژەنكرنا قوتابخانەیان هاتیە كرن.تێ چاڤەرێکرن د ماوێ‌ سالەكێ‌ دا هەر 28 قوتابخانا ب دوماهیی بهێن".












باسنیوز