سهرۆكى كوردستان پێشوازی له باڵوێز و نوێنهرى چهند وڵاتێكى جیاواز كرد
ڕۆژى چوارشهممه 22.3.2017 له هوتێل خانزاد، بارزانى، سهرۆكى ههرێمى كوردستان بهبۆنهى جهژنى نهورۆز و سهرى ساڵى كوردییهوه میواندارى له ژمارهیهك باڵوێز و نوێنهرى وڵاتان و ڕێكخراوه نێودهوڵهتییهكان له عێراق و ههرێمى كوردستان كرد.
فهلاح مستهفا، بهرپرسی فهرمانگهى پیوهندییهكانى دهرهوهى حكوومهتى ههرێمى كوردستان، له مهراسیمهكهدا وتارێكى پێشكهش كرد، تێیدا سهرهڕاى سوپاس و بهخێرهاتنى میوانهكان باسی له بایهخى جهژنى نهتهوهى نهورۆز له ژیان و مێژووى گهلى كورد دا كرد، ههروهها تیشكى خستهسهر مافى گهلى كوردستان بۆ دیاریكردنى چارهنوسى خۆی، گوتیشى "سوپاسی وڵاتانى دۆست و هاوپهیمانانى ههرێمى كوردستان دهكهین، كه لهشهڕی تیرۆرستانى داعشدا هاوكارى ههرێمى كوردستانیان كردووه، هاوكات پاڵپشتى گهلی كوردستان بوون".
له میانهى مهراسیمهكهدا، باڵوێزى وڵاتى بهحرێن، له جیاتى باڵوێز و نوێنهرى وڵاتان و ڕێكخراوه نێودهوڵهتییهكان له عێراق و ههرێمى كوردستان، وتارێكى پێشكهش كرد، تێیدا پیرۆزبای جهژنى نهورۆزى له سهرۆكى ههرێمى كوردستان و گهلى كوردستان كرد، پێزانینی خۆیان بۆ خێزانى شههیدانى كوردستان دهربڕی، ههروهها ستایشى سهرۆك بارزانى كرد، له دابینكردنى ئارامى و بوژاندنهوهى ههرێمى كوردستان، هیواى پیشكهوتنى زیاترى بۆ گهلى كوردستان خواست.
باڵوێز و نوێنهرى وڵاتان، وێڕای سوپاس كردنى سهرۆكى ههرێمى كوردستان، جهختیان له پهرهپێدانى پهیوهندیهكانیان، له بواره جۆراو جۆرهكان دا لهگهڵ ههرێمى كوردستان كردهوه.
باسنیوز
