وه‌زیری ده‌ره‌وه‌ی بریتانیا بۆریس جۆنسۆن له‌ په‌یامێكدا پیرۆزبایی جه‌ژنی نه‌ورۆز له‌ سه‌رۆكی هه‌رێمی كوردستان مه‌سعود بارزانی ده‌كات و هیوای به‌هێزتركردنی په‌یوه‌ندییه‌كانی نێوان وڵاته‌كه‌ی و هه‌رێمی كوردستان له‌ ساڵی نوێ ده‌خوازێت.

هه‌روه‌ها ستایشی رۆڵی گه‌لی كورد له‌ شه‌ڕی دژی داعش و له‌ باوه‌شگرتنی ژماره‌یه‌كی زۆر‌ی ئاواره‌ی عێراق ده‌كات و باسیش له‌ سه‌ردانی خۆی بۆ كوردستان له‌ ساڵی 2015 ده‌كات و هیواداره‌ جارێكی دیكه‌ش سه‌ردانی كوردستان بكات.

به‌م شیعره‌ی پیره‌مێرد به‌ بۆنه‌ی نه‌ورۆز، وه‌زیری ده‌ره‌وه‌ی به‌ریتانیا كۆتایی به‌ په‌یامه‌كه‌ی بۆ سه‌رۆك بارزانی هێناوه‌: "ئه‌م رۆژی ساڵی تازەیە نەورۆزە هاتەوە!"

ده‌قی نامه‌ی جۆنسۆن بۆ بارزانی

زۆر بەڕێز سەرۆک مەسعود بارزانی

سەرۆکی هەرێمی کوردستانی عێراق

دیوان

هەولێر

عێراق

بەڕێز جەنابی سەرۆک،

تکایە سڵاو و ڕێزی بێپایانم قەبوڵ بکە بۆ خۆت و خێزانەکەت و تەواوی خەڵکی

کوردستانی عێراق بە بۆنەی نەورۆزەوە.

گەلی کورد ساڵی رابردوو قارەمانێتییه‌كی مەزنی لە شەڕی لەناوبردنی داعش پیشاندا و مێواندارییەکی بەخشندەتان نواند بۆ له‌ خۆگرتنی ژمارەیەکی زۆری خەڵکی ئاوارەی ناوخۆ.

هیوادارم لە ساڵی داهاتوو پەیوەندییەکانی نێوان بەریتانیا و هەرێمی کوردستانی عێراق قووڵتر ببنه‌وه‌. کۆمەڵێک یادگاری زۆر جوانم هەیە لە سەردانی رابردووم بۆ هەولێر لە 2015 و بە هیوام جارێکی تر بگەڕێمەوە.

ئومێدی نەورۆزێکی دڵڕفێن و پڕ له‌ ئاشتی و ساڵێکی سەرکەوتوو بۆ ئێوە دەخوازم. ئه‌م رۆژی ساڵی تازەیە نەورۆزە هاتەوە!

وەزیری دەرەوەی شانشینی یەکگرتوو
k24 -