والی ئامه‌د مۆڵه‌تیدا ئاهه‌نگی نه‌ورۆز له‌شاره‌كه‌ به‌ڕێوه‌بچێت كه‌ له‌لایه‌ن پارتی دیموكراتی گه‌لان هه‌ده‌په‌ و پارتی هه‌رێمه‌كانی دیموكرات ده‌به‌په‌وه‌ ڕێكده‌خرێت.

ئاهه‌نگی نه‌ورۆزی‌ ئه‌مساڵ له‌گۆره‌پانی نه‌ورۆز له‌شاری ئامه‌د له‌كاتژمێر 11:00 بۆ 15:00ی ڕۆژی 21ی‌ ئه‌م مانگه‌به‌ڕێوه‌ده‌چێت.

بڕیاره‌ هه‌ریه‌ك له‌ عوسمان بایده‌میر وته‌بێژی هه‌ده‌په‌ و په‌رله‌مانتاری شاری ئۆرفا و ئه‌حمه‌د تورك هاوسه‌رۆكی شاره‌وانی مێردین كه‌ به‌بڕیاری وه‌زاره‌تی ناوخۆ له‌پۆسته‌كه‌ی دوورخرایه‌وه‌ وتاریان ببێت.

دوای بڕیاری والی ئامه‌د به‌ ڕێگه‌پێدانی‌ ئاهه‌نگی‌ نه‌ورۆز هه‌ده‌په‌ و ده‌به‌په‌ له‌ئه‌مڕۆوه‌ ئاماده‌كاری نه‌ورۆز ده‌ستیانپێكردووه‌.

مۆڵه‌ت والی‌ ئامه‌د له‌كاتێكدایه‌، پێنجشه‌ممه‌ی‌ ڕابردوو له‌باكوری‌ كوردستان و توركیا له‌چه‌ند ناوچه‌یه‌كی‌ جیاواز چه‌ندین كه‌س له‌ئۆپه‌راسیۆنی‌ هێزه‌ئه‌منییه‌كانی‌ ئه‌و وڵاته‌دا ده‌ستبه‌سه‌ركران ئه‌وه‌ش به‌ئامانجی‌ ڕێگیریكردن له‌بۆنه‌كانی‌ نه‌ورۆز.

له‌شاری ئه‌ده‌نه‌ی توركیا هێزه‌كانی ئاسایش به‌هاوكاری هێزی ئاسمانی ئۆپه‌راسیۆنێكیان ده‌ستپێكردوو 36كه‌سیان ده‌ستبه‌سه‌ركر كه‌ هه‌شت-یان ژنن.

هێزه‌ئه‌منییه‌كانی توركیا به‌ره‌به‌یانی پێنجشه‌ممه‌ بۆ ڕێگریكردن له‌ئاهه‌نگه‌كانی جه‌ژنی نه‌ورۆز و بانگه‌شه‌كردن بۆ په‌كه‌كه‌و ڕێپێوانه‌كان هێزه‌كانی ئاسایش و هۆبه‌ی دژه‌تیرۆر له‌شاری ئه‌ده‌نه‌ ده‌ستیان به‌ ئۆپه‌راسیۆكرد.

ئاماژه‌به‌وه‌درابوو، هێزه‌كان هه‌ڵیانكوتاوه‌ته‌ سه‌رماڵه‌كان و 36كه‌سیان ده‌ستبه‌سه‌ركردووه‌و هه‌شت له‌ ده‌ستبه‌سه‌ركراوه‌كان ژنن به‌وجۆره‌ش له‌ دوێنێ وه‌ له‌شاره‌كه‌ 74كه‌س ده‌ستگیركراون.
XANDAN -