دو خێزانێن دێ یێن ئێزدی هاتنە رزگاركرن
حسێن قائێدی، رێڤەبەرێ نڤیسینگەها رزگاركرنا رەڤاندیێن ئێزدی، بۆ(باسنیوز) دیاركر:"ل كوبانی ئاسایشا پەكەكێ وگرۆپێن ب سەرڤە ئەڤ هەردو خیزانێن مە ژ رەقە رزگاركرین ل جەم خوە هیلاینە ل هندەك جه گوتینە مە یێن رزگاركرین ئەم رەت دكەین كو پەكەكێ و گرۆپێن ب سەر ڤە دەست د رزگاركرنا ڤان هەردو خێزاندا هەبیت و هەموو بەلگەنامە و دیكومینت ل نڤیسینگەه مە تۆماركرینە كا چەوا مە ئەڤ هەر دو خێزانێن ئێزدی ژ رەقە ئێناینە هەتا مە گەهاندینە كوبانی ب ریێن خوە تایبەت سوبەهی 19/3/2017 هەردو خێزان دێ گەهنە نڤیسینگەها رزگاركرنا رەڤاندیان ل دهۆكێ".
خۆ یا ژی كر:" ئەڤ هەر دو خێزانا پێكهاتینە ژ پێنچ ئافرەت و سێ زارۆكان خێزانەك ژوان خەلكێ گۆندی گوچۆ یە و خێزانا دی ژێ خەلكێ كۆمەلگەها گرعزێرە ل دەڤەرا شنگال پشتی گەلەك هەولدان هاتینە كرن مە شیا هەردو خێزانان ب ریێن خوە تایبەت ژ سوریا باژێری رەقە رزگاربكەین".
حسێن قائێدی، گۆت:" ئەم هەموو وان گوتگوتكان رەت دكەین یێن بیژن پەكەكێ و هێزیێن ب سەر ڤە ئەڤ هەردو خێزان رزگاركرینە بتنی وان ل كوبانی ئەڤ خێزانا ل جەم خوە هێلاینە بخوە پرۆپاكند پێ كرینە وان رزگارنەكرینە بەلكو نڤێسینگەها رزگاركرنا رەڤاندیان ب ریێن خوە تایبەت ئەڤ هەردو خێزان ژ رەقە ئێناینە ورزگاركرینە ژ دەستێن تیرۆرستێن داعش".
bas news -
