بەرپرسێ ئوپەراسیۆنێن پیشمەرگەی فەرماندا شنگال، دیارکر، گەلەک خێزانێن ئاوارە بەرھەڤیێن خوە کربوون ڤەگەرینە شنگال لێ ژبەر ئالوزیێن پەکەکێ دروست دکەت ھەموو خێزان لیڤەبووینە وناڤەگەرن ژبەر ترسی دو دل بووینە وەلاتیێن شنگال.



قاسم دەربۆ، بەرپرسێ ئوپەراسیۆنێن پیشمەرگەی فەرماندا شنگال، بۆ (باسنیوز) دیارکر: "خەلکێ مە بەردەوام ڤەگەریاینە سەر مالێن خوە، لێ پەکەکێ نەھێلا خەلک ل سەر مالین خوە بمینن ترس بۆ وەلاتیان دروستکری ڤەگەراندنا ئاوارێن شنگال پاشڤەبرن ناھێلن شنگال بھێتە ئاڤەدانکرن و خەلک ڤەگەرن، چونکو ل گۆری سیاسەتەکا شاش کاردکەن بتنی ئالوزیان دروست دکەت".



خۆیا ژی کر: "خەلک ژ زارۆکێن خوە دترس ئەو زارۆکێن بچووک دەمێ دەنگی تەقی گوھلدبیت ترس بو وی دروست دبیت خەلک ژی بیزاربووینە ژ پەکەکێ ئەڤە چەندین جارا داخوازی دکەن پەکەکە ل دەڤەری نەمینت مخابن رێزی بریارا خەلکی ناگرن".



قاسم دەربۆ، گۆتژی: "ژبەر ئالوزیێن پەکەکێ 22 رێکخراوان خوە ژ شنگال ڤەکێشان بتنی دەزگایی خیرخوازی بارزانی و دەزگایی راکرنا مینان ل شنگال مان، ژبەر پەکەکێ شنگال ناھێتە ئاڤادانکرن پێدڤیە ب ھەر شیوەیەکێ ھەبیت شنگال چوول بکەن".
bas news -