لە شارۆچکەی خورماتوو، سێ ڕۆژ لەمەوبەر، ھاووڵاتییەکی تورکمان، لە نێو ماڵەکەی خۆی لەلایەن چەند چەکدارێکی دەمامکرداوەوە، دەڕفێندرێت.

محەمەد فایەق، بەرپرسی ڕاگەیاندنی قایمقامیەتی شارۆچکەی خورماتوو، ڕای گەیاند: "لە ڕێککەوتی 12/3/2017 ھاووڵاتییەکی تورکمان بەناوی مووسا حوسێن سەڵمان، لەلایەن ژمارەیەک چەکداری دەمامکدراو، بەجلی سەربازییەوە و بەئۆتۆمبێلێکی مەرزییەی جام ڕەش،لەنێو ماڵەکەی خویدا لە ئاوارەکانی نزیک چیشتخانەی عەباس، لەسەر شەقامی گشتی خورماتوو – بەغدا، ڕفێندرا".

بەرپرسی ڕاگەیاندنی قایمقامیەتی خورماتوو، ئەوەشی ڕوون کردوەتەوە: "ئەمە بۆ سێ شەوە، ئەم ھاووڵاتییە بێ سەروشوێنە، ناوبراو پیشەی شوانە، لە دایکبووی ساڵی1970یە، خێزاندارە و منداڵی ھەیە".








باسنيوز