سەرۆکی هەرێمی کوردستان، پرسەنامەیەکی بەبۆنەی کۆچی دوایی محەمەدی مەلا کەریم بڵاو کردەوە و تێیدا سەرەخۆشی لە خانەوادەکەی کرد.

ئەمڕۆ یەکشەممە 12\3\2017، محەمەدی مەلا کەریم، نووسەر و ڕووناکبیری دیاری کورد لە تەمەنی 86 ساڵیدا کۆچی دوایی کرد. لەمبارەیەوە مەسعود بارزانی، سەرۆکی هەرێمی کوردستان، پرسەنامەیەکی بڵاو کردەوە کە ئەمە دەقەکەیەتی:

بەناوی خودای مەزن و دلۆڤان

بنەماڵەی بەڕێزی کاکە حەمەی مەلا کەریم

بەداخەوە هەواڵی كۆچی دوایی نووسەر و ڕۆشنبیری دڵسۆز و نیشتیمانەروەر و لێکۆڵەری ئەدەبی، مامۆستا حەمەی مەلا عەبدولکەریمی مودەریس – مان پێ گەییشت.

لەم بۆنە خەمناکەدا لە دڵەوە سەرەخۆشی لە ئێوەی بەڕێز و کەسوکار و خزمان و ئاشنایانتان و سەرجەم ڕۆشنبیرانی کوردستان دەکەم و هاوبەشی خەمتانم.

لە خودای گەورە داواكارم گیانی کاکە حەمە بباتە بەر ڕەحمەتی خۆی و دڵنەوایی و ئارامییش بە هەموو لایەك ببەخشێت.

انا لله و انا الیه راجعون

مسعود بارزانی

١٢ـی ٣ـی ٢٠١٧








باسنيوز