ئاژانسى هه‌واڵی (ئه‌نادۆلۆ)ى توركی بڵاوی كرده‌وه‌، كه‌ دوای ئه‌وه‌ی دادگای ته‌مییزی توركیا له‌ 22ی ئه‌یلوولی 2016دا ئه‌و بڕیاره‌ی په‌سه‌ند كرد كه‌ له‌ 27ی تشرینی دووه‌می 2013دا له‌باره‌ی هاوسه‌رۆكی گشتیی هه‌ده‌په‌ و په‌رله‌مانتاری وان، فیگه‌ن یوكسه‌كداغ ده‌ركرابوو به‌تۆمه‌تى پڕوپاگه‌نده‌كردن بۆ پارتى كرێكارانى كوردستان، كورسی په‌رله‌مانی لێ وه‌رگیرایه‌وه‌.



هه‌روه‌ها به‌هۆی سه‌پاندنی سزای زیندانی به‌سه‌ریدا، دادگا ئه‌ندامێتی پارتی له‌ "فیگەن یوكسه‌كداغ" وه‌رگرته‌وه‌.





به‌پێی به‌ندێكی یاسای پارته‌ سیاسییه‌كان ئه‌و كه‌سانه‌ی سزا ده‌درێن، نابێت ئه‌ندامی هیچ پارتێك بن. به‌وپێیه‌ فیگەن یوكسه‌كداغ ئه‌ندامێتیی پارتی لێوه‌رگیرایه‌وه‌ و راگه‌یه‌نرا كه‌ هه‌فته‌ی رابردوو بڕیاره‌كه‌یان پێڕاگه‌یاندووه‌.



له‌م دۆخه‌دا، وه‌ك ئاژانسه‌ توركییه‌كه‌ بڵاوی كردووه‌ته‌وه‌، فیگەن یوكسه‌كداغ ناتوانێت ئه‌ركی هاوسه‌رۆكایه‌تیی هه‌ده‌په‌ ئه‌نجامبدات.



فیگەن یوكسه‌كداغ كه‌ به‌تۆمه‌تی پڕوپاگه‌نده‌كردن بۆ PKK سزادراوه‌، له‌ ئه‌ندیخانه‌ی جۆری Fی ژنان به‌ندكراوه‌.
bas news-