رێڤەبەرێ‌ ئاڤەدانكرن و نشتەجیبوونی ل پارێزگەها دهۆكێ‌، دیاركر: "نێزیكێ‌ 10 هزار كەسان فۆرم پركرینە بۆ وەرگرتنا شوقەیێن كێم دەرامەتان ل پارێزگەها دهۆكێ‌ و هیشتا قوناغیێن هووربینی دفۆرماندا نەهاتینە كرن ژبەر راوەستاندنا هەموو پرۆژەیێن شوقەیان".

ئەندازیار نزار تەمەر سەعید، رێڤەبەرێ‌ ئاڤەدانكرن و نشتەجیبوونی ل پارێزگەها دهۆكێ‌، دیاركر: "حەفت قەزایێن پارێزگەها دهۆكێ‌ 2440 شوقە بۆ وەلاتین كێم دەرمەت دهاتنە ئاڤاكرن بتنی ل دهۆكێ‌ و بەردەرش و سێمێلی قوناغێن ئاڤاكرنا شوقەیان گەلەك باش ب رێڤەچوون لەورا ژی دەست بەلاڤكرنا فۆرمان ل سەر وەلاتیان هاتنە كرن د ئەنجامدا نێزیكێ‌ دەه هزار وەلاتیان فۆرم بۆ وەرگرتنا شوقەیێن كێم دەرمەتان پركرینە".

خۆیا ژی كر:" دێ‌ داتا هێنە كۆمكرن دووڤدا چەندێن فلتەرێن دی هەبن بۆ دوڤچوونی ل سەر كەسین فۆرم پركرین دێ‌ ل دادگەه سوزنامە هێنە پركرن هەتا ژی دێ‌ لیژنێن تایبەتمەند سەرەدانا مالێن وان كەسان كەن یێن فۆرمێن شوقەیێن كێم دەرامەتان پركرین چونكو دبیت كەسین نە پێدڤی و نە كێم دەرامەت فۆرم پركربن ئەو هەموو دێ‌ هێنە لادان".

ئەندازیار نزار تەمەر، گۆت:" جاری پرۆسیەیا بەلاڤكرنا شوقەیان هاتە راوەستاندن و كار ژی فۆرماندا ناهێتە كرن هەتا قەیرانا دارایی دووماهیی دهێت و دەست ب ئاڤاكرنا شوقەیان دهێتە كرن نوكە هیچ تشتەكێ‌ نووب ۆ بەلاڤكرنا شوقەیێن كێم دەرامەتان نێنە".













باسنیوز