ئەندامێکی سەرکردایەتیی پارتی دیمورکاتی کوردستان-سووریا ده‌ڵێ، بە هاوکاریی خەڵکانێکی عەرەب كه‌ لە شارە جیاوازەکانی ڕۆژئاوای کوردستانەوە کۆ کراونەتەوە، هێرش کراوەتە سەر بنکە و بارەگاکانی ئەنجوومەنی نیشتیمانیی کورد لە سووریا و سوتاندوویانن.

(سەعید عومەر) بە ماڵپەری فەرمیی پارتی دیموکراتی کوردستانی راگەیاند: ''ئێوارەی ئه‌مڕۆ هەینی 3-3-2017، لایەنگرانی پارتی یەکێتیی دیموکرات PYD، لە هەریەك لە شارەكانی قامشلۆ و دربێسیێ لە رۆژئاوای كوردستان، هێرشیان كردووەتەوە سەر بارەگاكانی ئەنجوومەنی نیشتمانیی کورد لە سووریا ENKS، وێرای سوتاندنی بارەگاکان، دەستیان بە تاڵانبردنی ماڵی کادیرانی ئه‌نه‌كه‌سه‌ش کردووە و چەند ماڵێکیشیان سوتاندووە.''

وه‌ك ئه‌و به‌رپرسه‌ی ئه‌نه‌كه‌سه‌ گوتی: ''پەیەدە بە هاوکاریی هەندێک له‌ خه‌ڵكه عەرەبنشینه‌كه‌ی ناوچه‌كه‌وه‌، كه‌ بە ئۆتۆمبێل هێنراون بۆ سنووری باشووری کوردستان وەک ئامادەکاری بۆ شەڕ و، سه‌ره‌تا به‌ سوتاندنی بارەگاکانی ئەنجوومەنی نیشتیمانیی کورد ده‌ستیان پێكردووه‌.''
kdp-