سەرۆکی کۆمەڵەی وێنەگرانی کوردستان ڕای گەیاند، بە مەبەستی یادکردنەوەی ڕۆژی جیهانیی فۆتۆگراف، چالاکییەک لە هەولێر ئەنجام دەدەن و ژمارەیەک وێنەگر و کامێرامانی کەناڵەکان خەڵات دەکەن.

فارس سەعدی، سەرۆکی کۆمەڵەی وێنەگرانی کوردستان، ڕایگەیاند، هەموو ساڵێک لە ڕۆژی جیهانیی فۆتۆگراف کە ڕۆژی 19ی ئابە، چالاکی ئەنجام دەدەن، بەڵام بەهۆی ئەوەی ئەمساڵ ژمارەیەک ڕێکخراو و گرووپ لەو ڕۆژەدا چالاکییان کردووە، بۆیە ئەوان چالاکییەکەیان بۆ ڕۆژی یەکشەممە 21\8\2016 دواخستووە.

ئەوەشی روون کردەوە کە چالاکییەکەیان سەعات 5:30 دەقیقەی ئێوارە لە کۆشکی هونەر بەڕێوە دەچێت و بریکاری وەزارەتی ڕۆشنبیری چاودێری دەکات، بەڵام لە لایەن کۆمپانیاکانەوە چالاکییەکە سپۆنسەر کراوە. گوتیشی: ”لە چالاکییەکەدا خەڵاتی ڕێزلێنان بە ژمارەیەک کامێرامانی کەناڵە جیاجیاکاندا دابەش دەکرێت و بڕوانامەش بەسەر بەشداربووانی ئەو خولانەدا دابەش دەکرێت کە کراونەتەوەباسنیوز







باسنیوز