یەکینەکانی ئۆپۆزسیۆنی سوریا، شارەدێی چۆبانبێی باکووری رۆژھەڵاتی حەلەبیان لەژێر دەستی رێكخراوی تیرۆریستی داعش دەرھێنا.


شارەدێی چۆبانبێی باکووری رۆژھەڵاتی حەلەب دەکەوێتە سەر ھێڵی ستراتیژی عەزاز، جەرابلوس و ماری شاری حەلەب.


راگەیەنرا کە لە شەڕ و پێکدادانەکانی چۆبانبێی، یەکینەکای ئۆپۆزسیۆنی سووریا دوو چەکداری داعشیان بەدیل گرتووە و ژمارەیەکی زۆری چەکداری سەر بەو رێکخراوەیان کوشتووە. ھاوکات سێ ئۆتۆمبێڵی بۆمبرێژکراوی داعشیش لە ناوچەکەدا پوچەڵ کراوەتەوە.


ئاماژە بەوەش کرا کە کەتیبەی سوڵتان موراد، موعتەسم و فەیلەق ئەلشام و بەرەی شام بەشداریان لە ئۆپۆراسیۆنەکەدا کردووە.


لەوەو پێش ئۆپۆزسیۆنی سووریا لە مانگی نیسان ئەم شارەدێیەیان کۆنترۆڵ کردبوو، بەڵام بەھۆی ھێرشی داعش بە ئۆتۆمبێڵی بۆمبرێژکراوەوە، ئۆپۆزسیۆنی سووریا لە ناوچەکە کشابوونەوە.