بەرپرسێکی یەکێتیی نیشتمانیی کوردستان لە سنووری مەخموور ئاماژەی بە بوونی ھێزێکی ئەمەریکا لە فڕۆکەخانەی شارەدێی گەیارە کرد.

ئەمڕۆ چوارشەممە 17\8\2016، ڕەشاد گەڵاڵی، بەرپرسی کۆمیتەی مەخمووری یەکێتیی نیشتمانیی کوردستان، بە میدیاکانی حزبەکەی ڕاگەیاند: ”ھێزێکی تایبەتیی سوپای ئەمریکا لە فڕۆکەخانەی گەیارە بوونی ھەیە و ناو بە ناو مەفرەزەی بچووک بچووکیان لەگەڵ ھێزەکانی سوپای عێراق، بۆ گوندەکانی (جەدعا و جوعانە) و چەند گوندێکی تری ئەو ناوچەیە دەردەچن“.

ئەوەشی ڕوون کردەوە کە ئەو گوندانە، پێشتر لەلایەن تیرۆرستانی داعشەوە داگیرکرابوون، بەڵام لە ئۆپراسیۆنەکانی ئەم دواییەی سوپای عێراقدا کۆنتڕۆڵ کرانەونەتەوە. گوتیشی: ”ئەو ھێزە تایبەتەی سوپای ئەمریکا، بنکەی سەرەکییان لەناو فڕۆکەخانەی گەیارەدایە و لە زۆر جووڵەی سەربازیدا لەو ناوچەیە، لەگەڵ سوپای عێراق ھەماھەنگی دەکەن“.







باسنيوز