لە ناحیەی سەنگاوی سەر به چەمچەماڵ، ئاسایش رووبەڕووی گرووپێكی چەكدار بووەوە و دوو چەكدار كوژراون.

لە رووبەڕووبوونەوەی ئەو گرووپە چەكدارەدا لە نزیك گوندی قەرخ لە نزیك چیای ئاژداخ لە سنووری ناحیەی سەنگاو دوو چەكدار كوژراون و سێ‌ ئاسایش برینداربوون.

اسایشی چەمچەماڵ بۆسەیەکیان بۆ ئەو گرووپە چەکدارە دانابوو، کە لەماوەی رابردوو گوماندەکرا لە چیای ئاژداخ خۆیان حەشاردابێت.

بەپێی زانیارییەكان دوو چەکداری ئەو گرووپە رووبەڕووی ئاسایش بوونەتەوە؛ لە ئاکامدا یەکێکیان خۆی تەقاندووەتەوە و ئەوەی دیکەشیان لە رووبەڕووبوونەوەکەدا کوژراوە.

گرووپێکی خۆبەخش بۆ بەهاناوەچوونی هێزەکانی ئاسایش چوونەتە دەوروبەری چیای ئاژداخ.



rudaw