هێزەکانی پێشمەرگەی کوردستان بە قوڵایی 10 کیلۆمەتر لە سنووری میحوەری خازر پێشڕەوییان کرد.



سەرلەبەیانیی رۆژی یەکشەممە 14ـی ئابی 2016، هێزەکانی پێشمەرگە و دژە تیرۆری هەولێر بە سەرپەرشتیی راستەوخۆی مەسعود بارزانی، سەرۆکی هەرێمی کوردستان و فەرماندەی گشتیی هێزە چەکدارەکانی کوردستان هێرشێکی فراوانیان کردە سەر رێکخراوی توندڕەوی داعش لە سنووری رۆژهەڵاتی مووسڵ.



بەپێی زانیارییەکان، چەکدارانی داعش ورەیان رووخاوە و بەرگەی پێشمەرگە ناگرن، تاوەکو ئێستا پێشمەرگە زیاتر لە 10 کیلۆمەتر پێشڕەوییان کردووە.



تاوەکو ئێستا هێزەکانی پێشمەرگە هەرچوار گوندی ئەبزەخ، قەریەتاخ، حەمەرە و قەرقەشە کۆنتڕۆڵ کراونەتەوە.



چەکدارانی داعش لە مانگی حوزەیرانی 2014، دوای هەرەس پێهێنانی سوپا و هێزە ئەمنییەکانی عێراق، شاری مووسڵ و زۆربەی ناوچەکانی پارێزگاکانی نەینەوا، دیالە، سەڵاحەدین و ئەنباریان داگیر کرد.





باسنيوز