بەرپرسێكی پارتی دیموكراتی كوردستان ئاشكرای كرد، حكوومەتی هەرێمی كوردستان گرنگییەكی زۆری بە ناوچە كوردستانییەكانی دەرەوەی ئیدارەی حكوومەت داوە؛ ناحیەی زوممار، كارەبا و ئاوی بەردەوامی بۆ دابین كراوە.

(حەسەن خەلۆ) بەرپرسی لیژنەی ناوچەی زماری پارتی لە پەرلەمانی كوردستان بە ماڵپەڕی فەرمیی پارتیی ڕاگەیاند: "حكوومەتی هەرێمی كوردستان لە ڕێگەی ئیدارەی پارێزگای دهۆك، دوای دەركردنی تیرۆریستانی داعش لە ناوچەكە دەستیان كردووە بە ئاوەدانكردنەوە و گەیاندنی خزمەتگوزاریی زەروور؛ ئاو و كارەبا و پاكەوانی، ئەمەش هەوڵێك بۆ گرنگیدان بە ناوچە كوردستانییەكانی دەرەوەی ئیدارەی حكوومەتی هەرێمی كوردستان."

خەلۆ دەشڵێ: "خەڵکی سنووری شارەدێی زوممار گەڕاونەتەوە و، سەنگەری پێشمەرگەیشی لێیە؛ جا بەو بۆنەوە حكوومەتی هەرێم بە خۆڕایی كارەبای ٢٤سەعاتەی بۆ ناوچەکە دابین كردووە؛ خەڵکی شنگال گەلێ دڵیان خۆشە بەوکارە."







KDP