شەوی ڕابردوو، لەشاری کەلار ئۆتۆمبێلی بەرپرسی ڕاگەیاندنی ئیدارەی گەرمیان ڕفێندرا و دوای ماوەیەک لە لایەن ھێزەکانی پۆلیسی فریاکەوتنەوە لە نزیک مزگەوتێکی شارەکە دۆزرایەوە.

بەپێی ڕاگەیەندراوێکی بەڕێوەبەرایەتی پۆلیسی گەرمیان، تیایدا ھاتووە: "شەوی ڕابردوو 9/8/2016، لەسەر شەقامی جووت سایدی نێوان بازاڕ - گەڕەکی کەلاری کۆن لە شاری کەلار، شۆفێرێک پاش دابەزینی لەئۆتۆمبێلەکەی بەمەبەستی شت کڕین، لە لایەن کەسێکی نەناسراوەوە ئۆتۆمبێلەکەی دەڕفێندرێت ء لەنزیک مزگەوتی (بوخاری) جێ دەھێڵرێت".

بەپێی ڕاگەیەندراوەکە: "پاش ئاگادارکردنەوەی پۆلیس دەستبەجێ ھێزەکانی پۆلیسی فریاکەوتنی 104 چوونەتە شوێنەکە و پاش پشکنین، ئۆتۆمبێلەکەیان ڕادەستی خاوەنەکەی کردووەتەوە".







باسنیوز