نرخی‌ دۆلار به‌رانبه‌ر دیناری‌ عیراقی‌ سه‌رله‌به‌یانی‌ ئه‌مڕۆ یه‌كشه‌ممه‌ له‌كاتی‌ كردنه‌وه‌ی‌ بازاڕدا به‌ به‌رزی‌ مایه‌وه‌، دوای‌ ئه‌وه‌ی‌ ئێواره‌ی‌ دوێنێ رووی‌ له‌به‌رزبونه‌وه‌ كردبوو.

ئه‌مڕۆ نرخی 100 دۆلار 128 هه‌زار و 600 دیناره‌و به‌به‌رزی‌ ماوه‌ته‌وه‌ دوای‌ ئه‌وه‌ی‌ ئێواره‌ی‌ دوێنێ گه‌یشته‌ ئه‌و نرخه‌،‌ 100 یۆرۆش 143 هه‌زار دیناره‌، هه‌روه‌ها 100 پاوه‌ند به‌168 هه‌زار دیناره".

100 هه‌زار تمه‌نی ئێرانی، به‌رامبه‌ر 36 هه‌زارو 750 دیناره‌، هاوكات نرخی‌ 100 لیره‌ی‌ توركی‌ به‌رامبه‌ر 43 هه‌زارو 500 دیناره‌و جێگیره‌، ئه‌وه‌ش له‌كاتێكدایه‌ پێش كوده‌تا شكستخواردوه‌كه‌ی‌ 15ی مانگی رابردووی ئه‌و وڵاته‌، نرخی‌ 100 لیره‌ 46 هه‌زار دینار بوو.

نرخی دراوه‌ بیانیه‌كان به‌رامبه‌ر دۆلار، 100 یۆرۆ به‌ 110 دۆلارو 80 سه‌نته‌، 100 پاوه‌ند به‌ 130 دۆلار و 80 سه‌نته‌.