سهرنووسهرێكى كهى ئێن ئێن بههۆى تهكهتوولى ناو كهناڵهكهوه دهستى لهكار كێشایهوه
ڕێبوار حەمە وەیس، سەرنووسەری هەواڵەکانی کەناڵی (کەی ئێن ئێن)ی بزووتنەوەی گۆڕان، كه لهسهر ڕهخنهگرتن له كهسانێكى نێو بزووتنهوهى گۆڕان، پێشتر سزاى بۆ دهركرا، نامهى دهست لهكاركێشانهوهى یهكجارى له پۆستهكهى و كهناڵهكه نووسى، له نامهكهدا، ڕاى گهیاندووه :" دوای لێكدانەوەیەكی باش سووربوم لەسەر بڕیارەكەم و پێم وایە ركابەری كەسانێك نەكەم كە هەم لەرووی كاركردنەوە هەم لەرووی دڵسۆزییەوە لە ئاستی خۆمدا نایانبینم و پەنا بۆ هەموو رێگایەكی ناشەریفانە دەبەن بۆ ئەوەی درێژە بە گەندەڵی و تەكتەتول بازیەكەیان بدەن.
پێشتر، ڕێبوار حەمە وەیس، سەرنووسەری هەواڵەکانی کەناڵی (کەی ئێن ئێن)ی بزووتنەوەی گۆڕان، تایبەت بە (باسنیوز)ی ڕاگەیاند: ”من تا ئێستا 5 ساڵە لە (کەی ئێن ئێن)م، نازانم گەنجینە لە کوێیە؟ ئەو بڕیارە بە سزای سیاسی دەزانم“. جەختیشی لەوە کردەوە کە بڕیارەکە کپکردنی دەنگی ئازاد و ڕەخنەگرتنە لەناو میدیای گۆڕاندا کە بە گوتەی ئەو، بزووتنەوەکە لەسەر ئەو بنەمایە دروست بووە. گوتیشی: ”ئەوان بەم جۆرە پاداشتی کارەکانیان دامەوە“.
دهقى نامهكهى:
هەڵدانەوەی پەڕەیەكی نوێ
لەم نوسینە كورتەدا ئەمەوێت چەند سەرنجێكی خۆم دەربارەی چوار ساڵی كاركردنم لە كەناڵی كەی ئێن ئێن و جێهێشتنی بۆ هاوڕێیان و برادەران، لەناوەوەو دەرەوەی كەناڵەكە بخەمە ڕوو، هەر لێرەشەوە سوپاسی هەموو ئەو كەسانە دەكەم لە ڕوانگەی خەمخۆرییان بۆ كەناڵەو لەبەرچاوگرتنی ئەرك و ماندوبونی من لەو كەناڵە هەوڵیاندا لە بڕیاری دەستلەكاركێشانەوەم پاشگەزببمەوەو بگەرێمەوە، بەڵام دوای لێكدانەوەیەكی باش گەیشتمە ئەو بڕوایەی چیتر نەگەڕێمەوە سەر ئەو مێژووەی لەو كەناڵە بۆ خۆم تۆماركردوەو خۆشەویستی ئەو برادەرانەشی بەدەستم هێناوە وەك خۆی بیهێڵمەوەو بۆ هەمیشە لە هەر شوێن و جێگەیەك بم پارێزگاری لێ بكەم.
بەشێك لە برادەران پێیان وابوو دەستلەكاركێشانەوەكەم پەلەكردنی پێوە دیاربوەو دەبوایە ئەو سزایەی دەركراوە بۆم قبوڵم بكردایە و بمایەتەوەو گۆڕەپانەكەم بۆ ئەو كەسانە چۆڵنەكردایە كە بەناشایستەیی پۆست و پلەیان لە كەناڵەكە وەرگرتوەو ركابەریم بكردنایە تاكو رەوشەكە بە بارێكی تردا دەگۆڕا.
بەڵام دوای لێكدانەوەیەكی باش سووربوم لەسەر بڕیارەكەم و پێم وایە ركابەری كەسانێك نەكەم كە هەم لەرووی كاركردنەوە هەم لەرووی دڵسۆزییەوە لە ئاستی خۆمدا نایانبینم و پەنا بۆ هەموو رێگایەكی ناشەریفانە دەبەن بۆ ئەوەی درێژە بە گەندەڵی و تەكتەتول بازیەكەیان بدەن.
ئەوانەی لەسەر رەخنە لێگرتنیان سزایان بۆ من دەركرد، بۆ یەكجاریش جورئەتی ئەوەیان نەكرد رووبەروو قسەم لەگەڵ بكەن ، لەبەر ئەوەی هیچ گومانێكیان نەبوو لەسەر دڵسۆزی و كاركردنم لەو ماوەیەدا، ئەوەی بەرامبەر بە منیش كردنیان پەیامێك بوو بۆ هەموو كارمەندانی تری كەناڵەكە كە پابەندبوون بە دەوام و خۆماندوو كردن و دڵسۆزی هیچ بەهایەكی نیەو رێگەی تر هەیە بۆ مانەوە، چونكە خۆیان لەو رێگەیەوە گەیشتونەتە ئەو پلەو پۆستە.
ئەوەی جێی داخەو لێی پەشیمانم لەو چوار ساڵەی كاركردنم لە كەی ئێن ئێن ، رێزی كەسانێكم گرت و خۆم لەگەڵ ماندوو كردن كە شایەنیان نەبوو، هەروەها كەسانێكیش هەبوون، دەبوایە زۆر لەوە زیاتر رێزو خورمەتم بگرتنایە بەڵام وەك پێویست نەمتوانی، هەرچەندە بەخۆشحاڵیەوە لەو ماوەیەدا دڵی هیچ كەسێكم نەڕەنجاندوە.
زۆر شتی تر هەیە كە پێویستە بوترێت بەڵام هەڵیئەگەرم بۆ كات و رۆژی خۆی، بۆ هەمیشەش شانازی بەوەوە ئەكەم كە لەسەر رەخنەگرتن سزادرام نەك لەسەر شتی تر.
لەدوای ئەم نوسینەوە ئەو پەڕەیە بۆ هەمیشە دادەخەم كە لە كەی ئێن ئێن تۆمارم كردوەو لە هەر دەزگاو دامەزراوەیەكی تر دەرفەتی كاركردنم بۆ بڕەخسێت بەبێ دوو دڵی دەچم، ئەوەندەش سەرمایەی مەعریفیم لە پیشەكەی خۆمدا هەیە بتوانم خزمەتی زیاتر بكەم.
رێبوار حەمەوەیس
رۆژنامەنوس
باسنیوز
