پەرلەمانتارێکی بزووتنەوەی گۆڕان لە پەرلەمانی عێراق رایدەگەیەنێت، کە پەرلەمانتارێکی ئیئتیلافی دەوڵەتی یاسا دەستدرێژی کردووەتە سەر.





هەروەک میدیا عێراقییەکان بڵاویان کردووەتەوە، رۆژی یەکشەممە 31ـی تەمموزی 2016 سروە عەبدولواحید، پەرلەمانتاری گۆڕان لە کۆنگرەیەکی رۆژنامەوانیدا هۆکاری ”دەستدرێژی و هێرشەکە“ی بۆ دووبارە هەڵبژاردنەوەی مەیسوون دەمەلۆجی وەک سەرۆکی لیژنەی راگەیاندن و رۆشنبیریی پەرلەمان گەڕاندووەتەوە.





سروە عەبدولواحید رایگەیاندووە، کە فازڵ کینانی، پەرلەمانتاری ئیتیلافی دەوڵەتی یاسا، کە نووری مالیکی سەرۆکایەتیی دەکات لە ناو هۆڵی پەرلەمان ”دەستدرێژی و هێرشی“ کردووەتە سەر.







ئەو رووداوە لەکاتێکدایە، کە ئیئتیلافی دەوڵەتی یاسا و حزبی دەعوەی ئیسلامی بە سەرۆکایەتیی نوری مالیکی و بزووتنەوەی گۆڕان پەیوەندییەکی بەتینیان لەنێواندا هەیە و لە چەند هەفتەی رابردووشدا، نەوشیروان مستەفا، رێکخەری گشتیی گۆڕان لە سلێمانی پێشوازییەکی گەرمی لە نوری مالیکی کرد.

















باسنیوز