بارزانی لیژنەیەكی بۆ لێكۆلینەوە لە دابەشكردنی چەك پێك هێنا
یاوەر دووپاتی كردەوە كە بڕیاری پێكهێنانی ئەو لیژنەیە پاش ئەوە دێت كە فەرماندەی میحوەرەكانی هێزەكانی پێشمەرگە سكاڵای ئەوەیان كردبوو كە چەك بە شێوەیەكی یەكسان بەسەر هێزە شەڕكەرەكانیاندا دابەش ناكرێت.
ئەمینداری گشتیی وەزارەتی پێشمەرگە روونی كردەوە كە هەر بەرپرس، یان فەرماندەیەكی پێشمەرگە دەتوانێت سكاڵا لەمەڕ چۆنیەتی دابەشكردنی چەك و فیشەك پێشكەش بە وەزارەتی پێشمەرگە بكات تا هەنگاوی پێویستی لەبارەوە وەربگیرێت.
پێشتر ژمارەیەك لە فەرماندەكانی یەكێتی نیشتیمانی كوردستان؛ گازندەی ئەوەیان دەكرد كە یەكسانی لە نێوان میحوەرەكانی شەڕدا لە رووی دابەشكردنی چەكەوە نییە و داوایان كرد كە لێكۆڵینەوە لەو بارەیەوە بكرێت .
