رێڤه‌به‌ریا گشتیى یا ساخله‌میا ل پارێزگه‌ها دهۆكێ، كه‌رتى شیخان دیاركر سێ تێمێن خوه‌ پاراستنا ساخله‌میێ ژ به‌ر نه‌خۆشیا كولێرا و فروتنا كه‌ره‌ستێن خۆارنى و ڤه‌خۆارنى ل سه‌ر عه‌ره‌بانان و چاڤدیریا ئاڤا ڤه‌خۆارنێ ل په‌رستگه‌ها لالش هاتنه‌ دانان.


د. خه‌یرى خدر سڤۆ، رێڤه‌به‌رێ كه‌رتى شیخانیێ ساخله‌میێ دیاركر: "مه‌ترسیا به‌لاڤبوونا نه‌خۆشیان ژ به‌ر دروستبوونا قه‌ره‌بالغه‌كا مه‌زن ل په‌رستگه‌ها لالش هه‌یه‌ چونكو جه‌ژنا چلى هاڤینى یه‌ و ژماره‌كا زۆر ئێزدیان قه‌ستا په‌رستگه‌ها لالش دكه‌ن".


رێڤه‌به‌رێ كه‌رتى شیخانیێ ساخله‌میێ، زێده‌تر گوت: "له‌ورا مه‌ ب فه‌ر دیت سێ تێمێن ساخله‌میێ ره‌وانه‌ى په‌رستگه‌ها لالش بكه‌ن بۆ نه‌هێلانا به‌لاڤبوونا نه‌خۆشیان و هه‌مه‌هه‌نگى دگه‌ل دام وده‌زگه‌هێن ده‌ڤه‌را شێخان هاتیه‌ كرن بۆ چاڤدیرى و پاراستنا سلامه‌تیا وه‌لاتیان هه‌تا جه‌ژنا چلى هاڤینى دووماهیێ دهێت".






باسنیوز