ستیوارت جۆنز باڵیۆزی ئەمەریكا لە عێراق ماوەیەك بەر لە ئێستا رایگەیاندبوو كە لە چوارچێوەی خەرجیەكانی كۆنگرێسی ئەمەریكادا بۆ ئەمساڵ بڕی 1.6 ملیار دۆلار بۆ دروستكردنی 12 لیوا لە عێراق تەرخانكراوە.

ئەو پلانەی كە ئەمەریكا دایرێشتووە بۆ دروستكردنی 12 لیوای سەربازی لە عێراق، لەوانە 3 لیوا بۆ پێشمەرگەكان لە هەرێمی كوردستان و 9 ی تریش بۆ حكومەتی عێراق، وەزارەتی پێشمەرگە دەرگاكانی خوی كردووتەوە بۆ پێكهێنانی 3 لیوای سەربازی.


جەبار یاوەر ئەمینداری گشتی وەزارەتی پێشمەرگە ڕایگەیاند ئەو 3 لێوایەی كە بریارە دابمەزرێن بۆ ئەوەیە كە بەشداری لە شەری دژی داعشدا بكەن و بەشداربن لە سەنگەرەكان هاوشێوەی ئەو پێشمەرگانەی كە لە ئێستادا لەسەنگەردان.