وەزارەتی کارەبای حکوومەتی هەرێمی کوردستان لە راگەیەندراوێکدا، هۆکارەکانی نەبوونی کارەبای نیشتیمانی لە شەوی رابردوو رووندەکاتەوە.

شەوی رابردوو 6/7ـی ئەیلول، کەشوهەوای زۆربەی شار و شارۆچکەکانی کوردستان تۆز و خۆڵ بوو و بایێکی بەهێزی دەهات، دواتر کارەبای نیشتیمانی نەما.

لە راگەیەندراوەکەدا، وەزارەتی کارەبا رایدەگەیەنێت، کە باوبۆران و رەشەبا، زیانی بە هێڵەکانی تۆڕی 132 کەیڤی گەیاند و گرفتی تەکنیکی لە وێستگەکانی دابەشکردندا دروستکرد.

بەپێی راگەیەندراوەکە، بەهۆی نەبوونی بودجەی پێویست بۆ چاکسازیی بەردەوام تۆڕەکانی کارەباو وێستگەکانی گۆڕینی کارەبا، هۆکاری سەرەکییە لەوەی بەرگەی باوبۆران ناگرن و تێکدەچن.

وەزارەت لەبەشێکی دیکەی راگەیەندراوەکەیدا، وەزارەتی کارەبا دڵنیایی دەداتە هاووڵاتییان، کە هەمان لە ماوەی چەنسد سەعاتێکدا گرفتەکە چارەسەر دەکەن و کارەبا دەدەنەوە هاووڵاتییان.












باسنیوز