لیژنەی نوسینەوەی دەستور بە فەرمی داوایانكرد 3 مانگیان بۆ درێژبكەنەوە
فرسەت سۆفی، ڕایگەیاند: دوای سێ مانگ لەبەردەوام بوون و كاركردن لە نووسینەوەی دەستوور ئەمڕۆ بەفەرمی داوایان لە سەرۆكایەتی پەرلەمانی كوردستان كردووە سێ مانگی ترمان بۆدرێژبكەنەوە، تا دەستورەكە ئامادە بكەین.
وتیشی: ئەوان بەر لەتەواوبوونی ئەو ماوەیە دەستور ئامادە دەكەن و پێویستییان بە 45 ڕۆژی ترە، بەڵام بۆیە داوای سێ مانگیان كردووە تا جارێكی تر پێویستیان بەدرێژكردنەوەی ماوەكە نەبێت.
ئەندامەكەی لیژنەی نووسینەوەی دەستوور، ڕوونیشیكردەوە: تا ئێستا 74ماددەیان نوسیوەتەوە، بەڵام پرسی ئاین لە دەستوورو پێكهاتەكانی تر كێشەیەكی بچوكیان ماوەو ئەوانیش كۆتاییان دێت.
