شاندێكی پارتی بەشداری دەكات لە كۆبوونەوەی سۆسیال ئینتەرناشیونال بۆ تاوتۆیكردنی دۆزی كورد ودامەزراندنی لێژنەی كورد
سكرتێری رێكخراوی ناوبراو لویس ئالایا لە میانەی وتەیەكی دا ئەو كۆبوونەوەی بە بایەخ و گرنك لەقەڵەم دا، وئاماژەی بە دۆزی رەوای میللەتی كورد و ئەو مەینەتی و زولم زۆرداریانەی دووجاری هاتووە كرد.
بەرپرسی پەیوەندییەكانی دەرەوەی پارتی پشتوانی پارتی بۆ دامەزراندی ئەو لێژنەیە راگەیاند و بەكارێكی گرنگی دانا بۆ پشتوانی دۆزی كورد لە نێوەندە جیهانییەكاندا.
بەمەبەستی ئەوەی دۆزی كورد دۆستایەتی و پشتوانی سەرجەم ئەو رێكخراوە سوسیالست و دیموكراتی خوازە نێودەوڵەتیانە لە خۆ بكرێت، پارتی دیموكراتی كوردستان لەگەڵ سەرجەم ئەو رێكخراوانە دۆستایەتی بەهێزو نزیكی هەیە هەر لەو روانگەش نەبۆتە ئەندامی هیچ كام لەو رێكخراوانە.
شایانی باسە لە دیداری سەرۆك بارزانی لەگەڵ لویس ئالایا، سەرۆك بارزانی پشتوانی بۆ كارەكانی ئەم رێكخراوە دەربری، ولویس ئالایا بۆ چوونەكانی سەرۆك بارزانی بە گرنگ وەصف كرد ئەوەشی راگەیاند كە سەقامگیری بارودۆخی ئیستای كوردستان لە بواری سیاسی و ئابوری و ئازادی دەگەرێتەوە بۆ شارەزای و لێهاتووی سەرۆك بارزانی.
