1ی نیسان/ئەپرێل (گوڵان میدیا)- دواى ئه‌وه‌ى ئێواره‌ى ڕۆژى سێشه‌ممه‌ى ڕابردوو 26ى ئازارى 2013، به‌ڕێز سه‌فين دزه‌يى وته‌بێژى فه‌رميى حكوومه‌تى هه‌رێمى كوردستان، تووشى قه‌يرانێكى له‌ناكاوى دڵ هات و له‌ سه‌نته‌رى دڵ له‌ هه‌ولێر نه‌شته‌رگه‌ريه‌كى به‌په‌له‌ى بۆ ئه‌نجام درا، ڕۆژى دواتر گه‌يه‌نرايه‌ يه‌كێك له‌ نه‌خۆشخانه‌كانى ئه‌نقه‌ره‌ و له‌ وێ به‌رده‌وامى به‌ وه‌رگرتنى چاره‌سه‌رى دا.
له‌باره‌ى ته‌ندروستيى به‌ڕێزيانه‌وه‌، پزيشكانى سه‌رپه‌رشتيارى كه‌يسه‌كه‌ى؛ لێدوانێكى ڕۆژنامه‌وانيان دايه‌ ده‌زگاكانى ڕاگه‌ياندنى توركيا و ڕايانگه‌ياند: دواى ئه‌وه‌ى له‌ ماوه‌ى چه‌ند ڕۆژى ڕابردوودا چاره‌سه‌رى پێويستى بۆ كرا، ڕه‌وشى به‌ڕێز دزه‌يى ته‌واو باش بووه‌ و به‌رده‌وا‌ميش به‌ره‌و باشتر ده‌ڕوات، بۆيه‌ ئه‌مڕۆ يه‌كشه‌ممه‌ نه‌خۆشخانه‌ى‌ جێهێشت و ڕۆژانى داهاتووش ده‌توانێ به‌ شێوه‌يه‌كى ئاسايى بگه‌ڕێته‌وه‌ سه‌ر كاره‌كه‌ى و ئه‌ركه‌كانى جێبه‌جێ بكات.

نووسينگه‌ى وته‌بێژى حكوومه‌تى هه‌رێمى كوردستان.
31ى ئازارى 2013