14ی‌ ئازار/ مارس 2013 (گوڵان میدیا)- له‌ شارۆچكه‌ی كفری له‌گه‌رمیان رِێكخراوی به‌ژین له‌ رِێگه‌ی چه‌ند مامۆستایه‌كی زانكۆی سۆرانه‌وه‌ كه‌هاوكات قوتابی دكتۆران له‌ زانكۆكانی به‌ریتانیا و ئوسترالیا ژماره‌یه‌ك به‌رِێوه‌به‌ر و یاریده‌ده‌ری به‌رِێوه‌به‌ر به‌ مافه‌كانی مندالاَن ئاشنا ده‌كه‌ن.

قادر ئیسماعیل به‌رِێوه‌به‌ری په‌روه‌رده‌ی كفری رِاگه‌یاند: رِێكخراوی به‌ژین له‌ ژێر چاودێری قائیمقامی شارۆچكه‌ی كفری له‌باره‌ی مافه‌كانی مندالاَنه‌وه‌ كۆنفراسێكی رِێكخست به‌به‌شداری به‌رِێوه‌به‌ر و مامۆستایانی قوتابخانه‌كانی سنوری په‌روه‌رده‌ی كفری.

گوتیشی چه‌ند مامۆستایه‌كی زانكۆی سۆران به‌شدار بووان كه‌ ئه‌مه‌ هه‌ولێكه‌ بۆ ئاشناكردنی به‌شداربووان به‌ مافه‌كانی مندالاَن له‌ رِووی ئاینی و كۆمه‌لاَیه‌تی و یاسا و رِێسا نێوده‌وڵه‌وتیه‌كان.