لە ڕۆژانی پێنجشەممە 28ـی 2 و هەینی 1ـی 3ـی 2013ـدا زنجیرەیەك تەقینەوەی تیرۆریستی بەغدا و هەندێ پارێزگای دیكەی عێراقی كردە ئامانج و لە ئەنجامدا ژمارەیەك هاووڵاتیی بێ تاوان شەهید بوون و ژمارەیەكی دیكەیش برینداری لێ كەوتەوە.

ئێمە بە توندی ئیدانەی ئەو كردە قێزەوەنە تیرۆریستیانە دەكەین كە بوونەتە مایەی ئەوەی ژیان و ئاسوودەیی و پێكەوەژیانی خەڵك لەو ناوچانە تێك بچێت و بشێوێندرێت. داوا لە حكوومەت و لایەنە پەیوەندیدارە عێراقییەكان دەكەین ئەنجامدەرانی ئەو كارە تیرۆریستییە ئاشكرا بكەن و ڕادەستی یاسای بكەن. لە خوای گەورە داواكارین شەهیدانی ئەو ڕووداوە بە بەهەشتی بەرین شاد بكات و هیوای چاكبوونەوەیش بۆ بریندارەكان دەخوازین.

سەرۆكایەتیی هەرێمی كوردستان
2ـی 3ـی 2013