17 شوبات / فه‌برایه‌ر 2013 (گوڵان میدیا)- لیژنه‌ى هاوبه‌شى قائیمقامیه‌تى قه‌زاى كه‌لار مۆڵه‌تى یه‌ك هه‌فته‌ به‌ ده‌رمانخانه‌كانى كه‌لار ده‌ده‌ن، بۆ ئه‌وه‌ى چیتر كه‌لوپه‌لی جوانكارى ء بۆن له‌ ده‌رمانخانه‌كاندا نه‌فرۆشن، هاوكات له‌ مانگى رابردوودشدا ئه‌و لیژنه‌یه‌، به‌هۆى بوونى كه‌لوپه‌لی ئێكسپایر سزاى (12) شوێنء سوپه‌رماركێتى داوه‌ء دوو له‌و شوێنكارانه‌ش، بۆ ماوه‌ى سێ رۆژ داخران.

د. ئاریان ئیبراهیم نوێنه‌رى به‌رِێوه‌به‌رایه‌تى ڤێتێرنه‌رى گه‌رمیان رایگه‌یاند: له‌ سه‌ره‌تاى ئه‌مساڵه‌وه‌ لیژنه‌كه‌مان به‌ جیا له‌ لیژنه‌ پێكهێنراوه‌كانى دیكه‌ سه‌ردانى زۆربه‌ى شوێن و چێشتخانه‌ء له‌فه‌فرۆشء ئه‌و سوپه‌رماركێته‌كانمان كردووه‌، له‌ ماوه‌ی دوو مانگی رابردوو 12 شوێن سزا دراون و سوپه‌رماركێت و فرۆشگایه‌كیش داخراون كه‌ كه‌لوپه‌ل و خۆراكی به‌سه‌رچوویان هه‌بووه‌.

هه‌روه‌ها گوتی: هه‌ر له‌و مانگه‌دا 32 ده‌رمانخانه‌ به‌سه‌ر كراوه‌ته‌وه‌و ماوه‌ی هه‌فته‌یه‌كیش مۆڵه‌تیان پێدراوه‌ بۆ ئه‌وه‌ی كه‌لوپه‌لی جوانكاری و بۆن له‌ده‌رمانخانه‌كان نه‌فرۆشن.