به‌ ناوی خوای گه‌وره‌ و میهره‌بان

به‌ڕێز مامۆستا محه‌مه‌د فه‌ره‌ج ئه‌مینداری گشتیی یه‌كگرتووی ئیسلامیی كوردستان

سڵاوی خواتان لێ بێت

به‌بۆنه‌ی نۆزده‌یه‌مین ساڵیادی ئیعلانكردنی یه‌كگرتووی ئیسلامیی كوردستان پیرۆزباییه‌كی گه‌رم ئاراسته‌ی جه‌نابتان و ئه‌ندامانی مه‌كته‌بی سیاسی و سه‌ركردایه‌تی و گشت ئه‌ندام لایه‌نگرانی یه‌كگرتوو ده‌كه‌م.

هیوادارم له‌ كاروانی خه‌باتاندا شان به‌شانی لایه‌نه‌ سیاسییه‌كانی دیكه‌ی كوردستان به‌رده‌وام بن له‌ پێناو وه‌دی هاتنی هه‌موو مافه‌كانی گه‌له‌كه‌مان.

ئێستاكه‌ وڵاتمان به‌ قۆناخێكی هه‌ستیار و یه‌كلاییكه‌ره‌وه‌دا تێده‌په‌ڕێت و گۆڕانكاریی گه‌وره‌ له‌ناوچه‌كه‌دا له‌ ئارادایه‌. ئه‌م دۆخه‌ واده‌خوازێت رۆڵه‌كانی گه‌له‌كه‌مان و لایه‌نه‌ سیاسییه‌كانی هه‌رێمی كوردستان له‌هه‌ر كاتێك زیاتر هاوكار بن و ده‌ست به‌ به‌رژه‌وه‌ندییه‌ باڵاكانی وڵاته‌وه‌ بگرن.

خوای گه‌وره‌ پشت و په‌نای هه‌موو لایه‌كمان بێت

براتان
مسعود بارزانی
سه‌رۆكی هه‌رێمی كوردستان
8/2/2013