9 شوبات / فه‌برایه‌ر 2013 (گوڵان میدیا)- له‌سه‌ر فه‌رمانی به‌ڕێز مسعود بارزانی سه‌رۆکی هه‌رێمی کوردستان، له‌ هه‌ولێره‌وه‌ کاروانێکی هاوکاریی به‌ره‌و پارێزگای سه‌ڵاحه‌ددین ره‌وانه‌ کرا، بۆ ئه‌وه‌ی وه‌ک کۆمه‌ک به‌سه‌ر لێقه‌وماوانی لافاو له‌ چه‌ندین ناوچه‌ و دێهاتی سنووری ئه‌و پارێزگایه‌ دابه‌ش بکرێت که‌ به‌هۆی بارانبارینی زۆره‌وه‌ زه‌ره‌رمه‌ندبوون.

بۆ ئه‌و مه‌به‌سته‌ش لێژنه‌یه‌کی باڵا له‌لایه‌ن سه‌رۆکایه‌تی هه‌رێمه‌وه‌ پێکهێنرا که‌ هه‌ردوو وه‌زاره‌تی ناوخۆ و ته‌ندروستی هه‌رێم و پارێزگای هه‌ولێریشی له‌خۆ گرتبوو، کار بۆ چۆنیه‌تی ئاماده‌کردن و گه‌یاندنی ئه‌و کاروانی کۆمه‌که‌ کرا که‌ پێکهاتبوو له‌ هاوکاریی جۆراوجۆری به‌هاناوه‌چوون و که‌ره‌سته‌ی خۆراک.