17ی کانوونی یەکەم/دیسەمبەر(گوڵان میدیا)- ئه‌ندازیار كه‌مال محه‌مه‌د رێڤه‌به‌رىَ گشتى یىَ كاره‌بىَ ل پارێزگه‌ها دهوكىَ دیار كر كو ژ بودجا سالا 2012 یا وه‌زاره‌تا كاره‌بىَ ژماره‌كا ترومبێلێن خزمه‌تكارى وئامیره‌ت بو رێڤه‌به‌ریێن كاره‌بىَ یێن سه‌رب رێڤه‌به‌ریا گشتى یا كاره‌بىَ ل دهوكىَ ڤه‌ ب كوژمىَ نێزیكى 17 ملیار دینارا هاتینه‌ دابینكرن. ئه‌و ترومبێلان پێك دهێن ژ 11 ترومبێلێن پرادو و 15 ترومبێلێن پیكه‌م ژجورىَ نیسان و 3 ترومبێلێن سه‌لكێن هه‌لگرتنىَ یێن 25 مه‌ترا بلند و36 سه‌لكێن 12مه‌ترا بلند و 10 سه‌لكێن 17 مه‌ترا بلند و كرێن یێن 5 ته‌نى 17 ترومبێل و كرێن یێن 10 ته‌نى 12 ترومبێل و كرێن یێن 2 ته‌نى 49 ترومبێل و حه‌فارێن مه‌زن 5 و حه‌فارێن كولانا جهىَ ستینكێن كاره‌بىَ 3 و شه‌فه‌ل 1 و لولوده‌ر 1.

هه‌روه‌سا رێڤه‌به‌رىَ گشتى یىَ كاره‌بىَ دیار كر كو ئه‌ف ترومبێله‌ ل دیف پێدڤیىَ دىَ لسه‌ر 7 رێڤه‌به‌ریێن به‌لافكرنا كاره‌بىَ و رێڤه‌به‌ریا ڤه‌گوهاستنىَ و رێڤه‌به‌ریا به‌رهه‌مئینانا كاره‌بىَ و رێڤه‌به‌ریا وزىَ و رێڤه‌به‌ریا كوتنرولىَ و رێڤه‌به‌ریا روناهیىَ و پولیسێن كاره‌بىَ هێنه‌ پارڤه‌كرن.

رێڤه‌به‌رىَ گشتى یىَ كاره‌بىَ ئاشكرا كر كو مفایىَ ڤان ترومبێلا ئه‌وه‌ بو بساناهى كرنا كارى وپاراستنا گیانىَ كارمه‌ندێن كاره‌بىَ دكاریدا یه‌ وگوت ژ سالا 1980 تانوكه‌ ل دهوكىَ 18 كه‌سا دكاریدا گیانىَ خو ژ ده‌ست دایه‌ .

هه‌ر وه‌سا ئه‌ندازیار كه‌مال ئه‌و ئێك ژى دیار كر كو 142 شوفێر و 242 فه‌رمانبه‌ر بو كارێن هونه‌رى و 126 ژمێریارێن پیڤه‌ران و 50 زێره‌ڤانێن ویستگه‌هان 15 فه‌رمانبه‌رێن كارىَ هونه‌رى بو كارێن هێلێن 132 كه‌ى ڤى بو رێڤه‌به‌ریا ڤه‌گوهاستنا كاره‌بى و ه‌كو گرێبه‌ست دامه‌زراندینه‌.