به‌ ناوی خوای مه‌زن و دلۆڤان

به‌رێز كاك به‌ڵێن عه‌بدوڵلا

سكرتێری حزبی زه‌حمه‌تكێشانی كوردستان

سڵاوورێز

به‌ بۆنه‌ی بیست و حه‌وته‌مین ساڵیادی دامه‌زراندنی حزبه‌ تێكۆشه‌ره‌كه‌تانه‌وه‌ گه‌رمترین پیرۆزبایی ئاراسته‌ی ئێوه‌ی به‌رێز و ئه‌ندامانی مه‌كته‌بی سیاسی و كۆمیته‌ی سه‌ركردایه‌تی و ئه‌ندام و لایه‌نگرانی ئه‌و حزبه‌ خه‌باتگێره‌ ده‌كه‌م و هیوای سه‌ركه‌وتن و پێشكه‌وتنی زیاتری بۆ ده‌خوازم.

دیاره‌ حزبی زه‌حمه‌تكێشانی كوردستان خاوه‌ن خه‌بات و مێژووییه‌كی دیاره‌ له‌ بزووتنه‌وه‌ی رزگاریخوازی گه‌له‌كه‌ماندا هه‌روه‌ها له‌ هێنانه‌دی ئه‌و ده‌ستكه‌وتانه‌ی كه‌ ئه‌مرۆ تێكڕای میلله‌ته‌كه‌مان شانازی پێوه‌ ده‌كه‌ن.

ئومێده‌وارم ئه‌م یاده‌ ببێته‌ هانده‌رێك بۆ زیاتر گه‌شه‌پێدانی خه‌باتی حزبی زه‌حمه‌تكێشان و په‌ره‌پێدانی په‌یوه‌ندی برایانه‌ی نێوان لایه‌نه‌ سیاسیه‌كانی كوردستان و پاراستنی یه‌كڕیزی گه‌له‌كه‌مان كه‌ ئه‌مرۆ بۆته‌ پێویستیه‌ك بۆ داكۆكی كردن له‌ ده‌ستكه‌وته‌كان و هێنانه‌دی ئامانجه‌ دێرینه‌كانمان.

هه‌ر شاد و سه‌رفراز بن

مسعود بارزانی
سه‌رۆكی هه‌رێمی كوردستان
11/12/2012