4ـی کانوونی یەکەم/دیسەمبەر(گوڵان میدیا)- ئێواره‌ی ئه‌مڕۆ دووشه‌ممه‌ له‌ به‌رزاییه‌كانی نزیك كه‌ركووك و له‌ زنجیره‌ به‌رزاییه‌كانی دۆمه‌ڵان، كه‌ ئه‌مڕۆ هێزێكی زۆری له‌شكری تایبه‌تی یه‌ك و گوڵانی لێ جێگیر بوو، فڕۆكه‌یه‌كی سیخوڕیكردن به‌ ئاسمانی ئه‌و ناوچه‌یه‌دا فڕی و هێزی پێشمه‌رگه‌یش ته‌قه‌یان لێی كرد.
په‌یجی ئه‌فسه‌رانی كوردستان بڵاوی كرده‌وه‌، كه‌ دوای چوونی فڕۆكه‌ بۆ ئه‌و ناوچه‌یه‌، هێزی پێشمه‌رگه‌ی له‌شكری تایبه‌تیی یه‌ك، ته‌قه‌یان لێی كردووه‌ و فڕۆكه‌كه‌یش هه‌ڵهاتووه‌.
(باس نیوز) پێوه‌ندی به‌ ئه‌نوه‌ری حاجی عوسمان، بریكاری وه‌زاره‌تی پێشمه‌رگه‌وه‌ كرد، به‌ڵام وتی ده‌رفه‌تی لێدوانی نییه‌ و شوێنه‌كه‌ی باش نییه. پێوه‌ندیی به‌ جه‌بار یاوه‌ری ئه‌مینداری گشتی وه‌زاره‌تی پێشمه‌رگه‌وه‌ كرد، به‌ڵام گوتی شتی وای نه‌بیستووه‌.