13ی تشرینی دووه‌م/نۆڤمه‌به‌ر(گوڵان میدیا)- رزگار مسته‌فا قائیمقامى قه‌زاى خه‌بات رایگه‌یاند: بۆ جوانكردنى ده‌روازه‌ى قه‌زاى خه‌بات كه‌ شوێنێكى ستراتیژییه‌ و 3 پارێزگا به‌یه‌ك ده‌به‌ستێته‌وه‌، له‌ سىَ ریێانى ناحیه‌ى كه‌ورگۆسك تا سه‌نته‌رى قه‌زاى خه‌بات پرۆژه‌ى به‌ 4 سایدكردنى شه‌قام و جوانكارى ئه‌م رێگا سه‌ره‌كیه‌ له‌بوارى جێبه‌جىَ كردن دایه‌.

هه‌روه‌ها گوتی: پرۆژه‌كه‌ برِی 3 ملیار و 13 ملیۆن دیناری تێده‌چێ و له‌سه‌ر بووجه‌ى په‌ره‌پێدانى پارێزگاى هه‌ولێر جێبه‌جێ ده‌كرێ، هه‌روه‌ها له‌گه‌ڵ گواستنه‌وه‌ كێبلى سه‌ره‌كى كاره‌با و كێبلى نه‌ورۆز تیلیكۆم، ئێستاش به‌رێژه‌ی 50% كاره‌كانی پرۆژه‌كه‌ ته‌واو بووه‌.