8ی تشرینی دووه‌م/نۆڤمه‌به‌ر(گوڵان میدیا)- وێرای وه‌رگرتنى فیزه‌ له‌ كونسوڵگه‌ری ئێران له‌ هه‌ولێر، به‌لاَم كار به‌ده‌ستانى گومرگى ته‌مه‌رچینى ئێران رێگه‌ به‌ گه‌شتیارانى هه‌رێمى كوردستان نادات كه‌ له‌ رێگه‌ى ده‌روازه‌ى سنورى نێوده‌وڵه‌تى حاجى ئۆمه‌ران به‌ پاسپۆرتى جۆرى (s) له‌ سنوور بپه‌رنه‌وه‌ و به‌هۆشیه‌وه‌ رۆژانه‌ زۆرێك گه‌شتیار دواى گه‌یشتنیان به‌ ده‌روازه‌ى سنور به‌ ناچارى ده‌گه‌رێنه‌وه‌.

نه‌قیب زرار حوسێن به‌رِێوه‌به‌رى نیشینگه‌و پاسپۆرتى حاجى ئۆمه‌ران راگه‌یاند: تائێستا گه‌شتیارانى هه‌رێمى كوردستان به‌ هه‌رسىَ جۆرى پاسپۆرته‌كانى (ئه‌ى، جى، ئێس) ده‌یان توانى له‌ رێگه‌ى ده‌روازه‌ى نێوده‌وڵه‌تى حاجى ئۆمه‌ران_ته‌مه‌رچین درێژه‌ به‌ گه‌شته‌كانیان بده‌ن، به‌ڵام پێدانى فیزه‌ به‌و گه‌شتیارانه‌ى هه‌ڵگرى پاسپۆرتى جۆرى (ئێس)ـن له‌ كونسوڵگه‌ریی ئێران له‌هه‌ولێر كه‌چی ماوه‌یه‌كه‌ كار به‌ده‌ستانى گومرگى ته‌مه‌رچینى ئێران زۆر جار ئه‌و گه‌شتیارانه‌ ده‌گێرنه‌وه‌، له‌گه‌ڵ ئه‌وه‌شدا تائێستا به‌ شێوه‌یه‌كى فه‌رمى له‌لایه‌ن ئێران ئاگادار نه‌كراوینه‌ته‌وه‌ كه‌ رێگه‌ به‌و گه‌شتیارانه‌ نادرێت كه‌ هه‌ڵگرى پاسپۆرتى جۆرى ئێسن.