لهدهوك 36 ههزار قوتابى ل پولا ئێكىَ بنهرهتى دهست ب خاندنێ كر
پارێزگهرىَ دهوكىَ پهیڤهك پێشكێشكرتێدا پیروزباهى ل ههموو قوتابیان كر وسهركهفتن ژێرا خواست .ههروهسا رێڤهبهرىَ گشتى یىَ پهروهردىَ دپهیڤهكێدا سالا نوو یا خاندنىَ راگههاند وهیڤى خاستن كو سالا نووو ببیته سالا سهركهفتن وپێشكهفتنا بارىَ پهروهردىَ.
ل دور سالا نوو یا خاندنىَ پارێزگهرىَ دهوكىَ بو كهنالێن را گههاندنىَ ئاخفت وگوت ....ل دهست پێكىَ پیروزباهیێن گهرم ل ههموو قوتابیان دكهین كو ئهڤرو روژا ئێكىَ بو یا دهست پێكرنا وهرزىَ خاندنىَ سالا 2012-2013ىَ هیڤى دارین قوتابیێن مه ل سهر دهستىَ ماموستایێن مه یێن بهرێز وهێژا بشێن پتر زانتسێن پهروهردىَ بدهست ڤهبینن ، وكارى بكهین دگهل پهروهدا دهوكىَ و وهزارهتا پهروهردىَ كو رێژا سهركهفتنىَ باشتر لىَ بهێت چونكو ههر وهكو ههموو لایهك دزانیت رێّژا سهركهفتنىَ ل پارێزگهها دهوكىَ یا باش نهبویه و گهلهك ئهگهر ههبوینه ئهگهرىَ سهرهكى ژى یىَ زاراڤىَ خاندنىَ بویه ، ل سالێن بورى گهلهك هه ولدان هاتنه كرن نوكه ژى ل سهر وان ههولدان دبهردهوامین ئهو سیستهمه هێدى هێدى بێژین ب زاراڤىَ دایكىَ یىَ دچیته پێش وئهگهرێن دن یێن كارگێرى ههكه ههبن ب دیتنا من ل سهر ئاستىَ ههموو كوردستانىَ یێن ههین ئهم ژى وهكو پارێزگهها دهوكىَ دگهل رێڤهبهریا گشتى یا پهروهردىَ ل پارێزگههىَ بو نههێلانا ڤان ئهگهران چ وهكو ژێر خانا قوتابخانا وئاڤاكرنا وان یان دامهزرندنا ستافى بیت یان ژى پێدڤیێن وان یێن دیتر ، ئهم ب ئومێدین سالا نوو یا خاندنىَ دىَ ژسالێن بورى باشتر بیت وپشتهڤانیا مهژى دىَ یا بهردهوامبیت داخازا مه ئهوه وهزارهتا پهروهردىَ پتر گرنگیىَ بدهته ڤان ئهگهرێن بوینه ئاستهنگ بهرامبهر لاوازبونا رێژا دهرچونىَ ل پارێزگهها دهوكىَ .
ل دووف ئامارێن پهروهردىَ دهێته چاڤهرێكرن دسالا نوو یا خاندنىَ دا پتر ژ(36,000) سیه وشهش هزار قوتابى ل پولا ئێكىَ بنهرهتى ل سهرانسهرى پارێزگههىَ دهست ب خاندنىَ كهن ، وژمارا گشتى یا قوتابییان ژپولا (1بنهرتى -12ئامادهیى ) ل سهرانسهرى پارێزگههىَ دگههیته 43500قوتابییان.
