2 ئەیلوول/سێپتێمبەر(گوڵان میدیا)- دواى حه‌وت رۆژ له‌ داخرانى ده‌روازه‌ى سنورى حاجى ئۆمه‌ران – ته‌مه‌رچین دوێنێ ده‌روازه‌ی نێوان كوردستان و ئێران كرایه‌وه‌و جموجۆڵی بارزگانی ده‌ستی پێكرده‌وه‌.
مه‌سعود باتێلى به‌رپرسى كۆمه‌ڵگاى گومرگى حاجى ئۆمه‌ران راگه‌یاند: دواى حه‌وت رۆژ وه‌ستانى بزاوه‌ته‌ بازرگانییه‌كانى نێوان كوردستان و ئێران به‌هۆى به‌ستنى كۆنگره‌ى (16)ـمینى ولاَتانى بێلایه‌ن له‌ تاران،حكوومه‌تی ئێران سه‌رجه‌م سنوره‌كانى خۆى داخستبوو به‌هه‌رێمی كوردستانیشه‌وه‌، بۆ جارێكی تر ده‌روازه‌ى سنورى حاجى ئۆمه‌ران - ته‌مه‌رچین به‌رووی بارزگان و گه‌شتیاران كرایه‌وه‌.