بەڕێوەبەری شەهید و ئەنفاڵکراوانی سۆران ڕایگەیاند، مووچەی شەهیدانی هاووڵاتی لە 180 هەزار دینارەوە بۆ 250 هەزار دینار زیاد کرا ، پاش جەژن مووچەی مانگەکانی ڕابردوویش تا مانگی 8 و ئەو زیادە مووچەیە بۆ شەهیدانی هاووڵاتی خەرج دەکرێت.

بەڕێوەبەری شەهید و ئەنفاڵکراوانی سۆران، سلێمان ڕەعد، بە ئاژانسی هەواڵی پەیامنێری ڕاگەیاند: \"لەسەر پێشنیازی وەزارەتی شەهیدان، مووچەی شەهیدانی هاووڵاتی لە 180 هەزار دینار کرا بە 250 هەزار دینار کە بۆ هەر مانگێک بڕی 70 هەزار دینار زیاد بووە، پاش جەژنی ڕەمەزان پارەی مانگەکانی ڕابردوو هەر لە سەری ساڵی 2012تا مانگی هەشت ئەو زیادە مووچەیە سەرف دەکرێت\"".
ئەو بەرپرسە لە درێژەی قسەکانیدا ئاماژەی دا، بۆ شەهیدانی سەنگەر کە مووچەکانیان 500 هەزار دینارە وەزارەتی شەهید و ئەنفاڵکراوان داوای لە ئەنجوومەنی وەزیران کردووە کە مووچەی ئەوانیش 30% زیاد بکرێت، بەڵام تا ئێستا هیچ وەڵامێک لە ئەنجوومەنی وەزیرانەوە نەهاتووە."